Plantun de Prouvènço

Pèr coumpara dos planto d'encò nostre

Fragaria viridis & Hornungia petraea

Majoufié

Fragaria viridis

Rosaceae

Àutri noum : Fraguié, Ambrouso.

Nom en français : Fraisier vert.

Descripcioun :
Aquéu majoufié (o fraguié) douno d'èr au fraguié coumun, que s'arregardas pas de proche pòu engana eisa. Trachis dins li bos fres de colo e de basso mountagno majamen dins li blachiero. Sèmblo adounc à Fragaria vesca, pamens èi mai grand e fort dins touto si partido ; li flour soun pu grando (souvènt > 20 mm). Se destrìo peréu emé si fueio mai pelouso e subretout si fueioun dóu "calice" que soun revessa sus lou fru (escarta encò dóu fraguié coumun).

Usanço :
Lou fru èi de segur manjadis, mai pas tant bon qu'aquéu dóu fraguié, Fragaria vesca (mèfi pamens de l'equinocoucoso). Li flour e li fueio soun tambèn bono à manja. Se fai de tè emé li fueio. Touto la planto fai pissa e èi tounico e depurativo. Li racino soun bono contro la cagagno (astringènto).

Port : Erbo
Taio : 8 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Fragaria
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 14 à 25 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Blachiero
Estànci : Subremediterran à Mountagnard
Couroulougi : Éurasiatico-Centre-Ouèst
Ref. sc. : Fragaria viridis Weston, 1771

Creissoun(-de-roucas)

Hornungia petraea

Brassicaceae Cruciferae

Nom en français : Hutchinsie des rochers.

Descripcioun :
Pichoto planto de l'an emé de fueio penado (fotò) mai que soun pas tóuti à la baso (au contro de H. nudicaulis). Fai de flour proun menudo emé de petalo noun fendudo.

Usanço :
Couneissèn pas d'usanço particuliero pèr aquelo planto.

Port : Erbo
Taio : 2 à 10 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Hornungia
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 1 mm
Flourido : Printems Ivèr

Sòu : Ca
Autour basso e auto : 0 à 1800 m
Aparado : Noun
Febrié à jun

Liò : Roucaio - Esboudèu - Tepiero seco - Tepiero roucaiouso
Estànci : Termoumediterran à Coulinen
Couroulougi : Eurimediterrano-Nord
Ref. sc. : Hornungia petraea (L.) Rchb., 1838

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Fragaria viridis & Hornungia petraea

ges

Coumpara Majoufié emé uno autro planto

Coumpara Creissoun(-de-roucas) emé uno autro planto